【債券你要知】甚麼是債券基金？債券基金和債券有甚麼分別呢？

甚麼是債券基金？債券基金和債券有甚麼分別呢？ 講到投資債券，好多人都覺得好複雜，唔似買股票咁可以網上開戶，之後就係個app度click兩click就做到交易，所以好多人會選擇買債券基金，因為夠方便。

但係債券基金有一個好大問題，就係無左本來買債券最大既好處 – 債劵有到期日。

投資債券係形式上其實同做定期十分相似, 係買入債券既一刻，年期同利率都已經固定好, 係無發生違約既大前提下, 買入債券既一刻已經決定左投資回報係幾多, visibility非常高，持有債券期間既債價波動其實可以唔使睇，因為債價係到期個日自然會返去$100。
另外, 債券既派息時間、本金償還時間都係買個一刻已經一清二楚。清楚知道未來投資回報及現金流, 可以幫助投資者去計劃未來, 例如買樓、未來的海外升學學費、退休計劃等。

而債券基金，雖然underlying都係買債券，但係債券基金入面可以有幾百隻債券，好處當然係分散左個違約風險，但唔好處就係無到期日，投資者係買入債券基金個日，係唔會知隻基金之後會派幾多息，亦唔會知以後賣既時候會係賺定蝕。因為影響債價既因素有好多，除左違約機會之外，仲有市場利率風險、流動性風險等等。

所以投資者買債券基金時，係真係要time the market，要識得睇宏觀經濟走向，識得睇市場利率走勢先得，否則如果撞著2022年加息週期咁，買債券基金都可以輸唔少。

Angus 為大家簡單整理左直接買債 vs 債券基金既優勢比較，大家可以看看以下列表！